როგორ მივიღოთ დადებითი შედეგები ინფლუენსერ მარკეტინგიდან?

megi

megi

Ახალი წევრი
30 იანვარი 2023
თემები
4
6
ეს საკითხი დღეს ძალიან მნიშვნელოვანი რომ გახდა, სტატისტიკური მონაცემებიც ადასტურებს — 2022 წელს ინფლუენსერთა ინდუსტრიამ 16.4 მილიარდ დოლარს მიაღწია. ბრენდების 75%-ზე მეტს ინფლუენსერ მარკეტინგისთვის სპეციალური ბიუჯეტიც აქვს გამოყოფილი, დაწყებული Coca-Cola-ს #ThisOnesFor ბმულის სანახავად უნდა იყოთ [რეგისტრირებული ] [ავტორიზაცია], რომელიც მოდისა და მოგზაურობის ინფლუენსერებს მოიცავს, დამთავრებული Dior-ის ბმულის სანახავად უნდა იყოთ [რეგისტრირებული ] [ავტორიზაცია], სადაც ბრენდი Forever Foundation-ის პროდუქტის ხაზის რეკლამირებისთვის სხვადასხვა ინფლუენსერთან თანამშრომლობდა. მაგრამ ნამდვილად გამოიღებს თუ არა შედეგს ინფლუენსერებში ინვესტირება?


ბმულის სანახავად უნდა იყოთ [რეგისტრირებული ] [ავტორიზაცია] დადგინდა, რომ ინფლუენსერ მარკეტინგში 1%-იანმა ზრდამ ჩართულობის მაჩვენებელი 0.46%-ით გააუმჯობესა. გამოდის, ამ სტრატეგიამ დადებითი ROI შეიძლება შემოგვთავაზოს. ერთი რამ კი კომპანიების უმეტესობას ყურადღების მიღმა რჩება — ინფლუენსერ მარკეტინგის ბიუჯეტის ოპტიმიზაციის გზით საშუალო კომპანიას ჩართულობის 16.6%-ს შეუძლია მიაღწიოს. ქვემოთ მოცემული რჩევები კი ბრენდებს ინფლუენსერ მარკეტინგისგან დადებითი შედეგების მიღებაში დაეხმარება:

1. მიმდევრების რიცხვი

ალბათ, გასაკვირი არ იქნება, თუ გეტყვით, რომ რაც უფრო მეტი მიმდევარი ჰყავს ინფლუენსერს, მით უფრო გავლენიანი შეიძლება იყოს მასთან პარტნიორობა. ის არა მხოლოდ დიდ აუდიტორიას აწვდის ხმას, არამედ უფრო პოპულარული და სანდოა. ეს უფრო მაღალ ჩართულობასაც იწვევს, რაც 9.2%-ით გაზრდილ ROI-ში გამოიხატება.

2. პოსტების ხშირად განთავსება

აქ Goldilocks-ის ეფექტზე საუბრობენ: ინფლუენსერები, რომლებიც ხშირად არ პოსტავენ, არ განიხილებიან განახლებადი ინფორმაციების წყაროდ. ნაკლები პოსტით მიმდევრების გვერდებზეც ხშირად ვერ ჩნდებიან, შესაბამისად, ვერც ნდობას აყალიბებენ. თუმცა არც ძალიან ხშირი გამოქვეყნებაა კარგი გზა — ამ შემთხვევაში მიმდევრების ინტერესი იკლებს, შერჩევითად ფილტრავენ კონტენტს ან საერთოდ შეწუხებულად გრძნობენ თავს. შედეგად, ბრენდები, რომლებმაც მაღალ ROI-ს მიაღწიეს, პარტნიორობდნენ ისეთ ინფლუენსერებთან, რომლებსაც პოსტების აქტივობის საშუალო დონე ჰქონდათ ან კვირაში დაახლოებით 5 პოსტს აქვეყნებდნენ.

3. მიმდევრებისა და ბრენდის თავსებადობა

მსგავსი Goldilocks-ის ეფექტი მაშინაც იჩენს თავს, როცა საქმე მიმდევრისა და ბრენდის თავსებადობას ეხება ან ინფლუენსერთა მიმდევრებისა და ბრენდის ინტერესების შესაბამისობას. მაგალითად, თავსებადობა მაღალი იქნება, თუ კანის მოვლის ბრენდი იმ ინფლუენსერთან დაიწყებს მუშაობას, რომლის გამომწერებიც სილამაზის ინდუსტრიით არიან დაინტერესებულნი, თუმცა ეს წარმატებული არ იქნებოდა, თუ აუდიტორიას ავტომოყვარულები შეადგენდნენ…

ეს იმასაც ნიშნავს, რომ კონკრეტული პოსტები მსგავს კონტენტს ეჯიბრება, რათა მიმდევრებისგან მაქსიმალური ყურადღება მიიპყროს. საბოლოოდ კი, მსგავსად, ამ საკითხისადმი ინტერესი დაიკარგება. ამიტომ, კარგი იქნება, თუ ინფლუენსერის მიმდევარს თავსებადობა ბევრ ბრენდთან არ ექნება. ეს მაჩვენებელი კი ოპტიმალურ დონეს მაშინ აღწევს, როცა მიმდევრების დაახლოებით 9%-ის ინტერესი ბრენდს ემთხვევა. უნდა ვაღიაროთ, რომ მარკეტერები ამ მეთოდს წარმატებითაც იყენებენ.

4. ინფლუენსერთა ორიგინალურობა

ის ინფლუენსერები, რომლებიც უფრო მეტად ორიგინალ კონტენტს აზიარებენ და ნაკლებად სხვა ბრენდებისა თუ ადამიანების პოსტებს, უფრო მეტად გამორჩეულები არიან, მეტად იპყრობენ ყურადღებას, უფრო მცოდნე და ავთენტურები ჩანან. შედეგად, მსგავს ინფლუენსერებთან პარტნიორობით, ბრენდებიც ჩართულობის მაღალ მაჩვენებლებს აღწევენ. ამ კუთხით ROI-ს სხვაობა 15.5%-საც კი შეადგენდა…

5. პოსტის პოზიტიურობა

მარკეტინგული კამპანიის ერთ-ერთი ყველაზე რთული ელემენტი ტონის შერჩევაა. მარკეტერებს სურთ, პოზიტიური შეტყობინების გადაცემა, მაგრამ ზედმეტმა პოზიტიურობამ საპირისპირო შედეგი შეიძლება გამოიღოს. ეს გამართლებულია როგორც ინფლუენსერ მარკეტინგისთვის, ისე ტრადიციული არხებისთვის. მომხმარებლები უფრო მეტადაც ერთვებიან პოზიტიურ პოსტებში, მაგრამ თუ ის რაღაც არაკეთილსინდისიერს მოიცავს მაშინ, რეაგირებაც შესაბამისია. მაგალითად, Audi-ს ინფლუენსერი ძალიან პოზიტიურ ტონს ირჩევს:

„NewAudiQ2L-ს ფასი 217 700-დან 279 000-მდე მერყეობს. შესანიშნავი გარეგნობით და მაღალი ტექნოლოგიით სრულად აკმაყოფილებს თქვენი მოგზაურობის საჭიროებებს. ეს სრულიად ახალი გამოცდილებაა ახალგაზრდა და თავისუფლების მოყვარული მომხმარებლებისთვის. გადადით ლინკზე და მონაწილეობა მიიღეთ ღონისძიებაში. თქვენ აქ, შესაძლოა, მომავალი წლისთვის AudiQ2L-ის ტარების შანსი მოიგოთ“.

ეს პოსტი ჭარბი პოზიტიურობის საფრთხეს ატარებს, რაც ბრენდს 4000 დოლარზე მეტიც დაუჯდა… ამის საპირისპიროდ კი საშუალო ტონის პოსტი უნდა განვიხილოთ:

„გუშინ მეგობარმა მკითხა, რა მომივიდა სახეზე ამ ორ დღეში? მე ძალიან ცუდად გამოვიყურებოდი! ვერ გავუმკლავდი სეზონების ცვლილებას და კანისთვისაც არაფერი გავაკეთე, ასე გაჩნდა ჩემს სახეზე ჩამუქებული ადგილები და ხაზები. რაღაც უნდა გამეკეთებინა კანის დასატენიანებლად! ვიტამინ A ნამდვილად კარგად მუშაობს. შეიცავს სუფთა ვიტამინ A რეტინოლს, რომელსაც შეუძლია წვრილი ხაზების შესავსებად კანის მეტაბოლიზმსა და კოლაგენის გამომუშავებას შეუწყოს ხელი“.

6. შეიცავს თუ არა პოსტი ბრენდის ლინკს

კვლევისას დადგინდა, რომ პოსტები, რომლებიც ბრენდის სოციალური მედიის ან ვებსაიტების ბმულებს შეიცავდა, უფრო კარგად მუშაობდა… ასე კი იმიტომ ხდებოდა, რომ ლინკები მომხმარებლებს კონტენტის შესახებ მნიშვნელოვან დამატებით ინფორმაციას სთავაზობს და მათ ჩართულობას უფრო სავარაუდოსაც ხდის. ანალიზის შედეგად, პოსტებს, რომლებიც ლინკებს მოიცავდა, 11.4%-ზე მაღალი ROI ჰქონდა.

7. აცხადებს თუ არა პოსტი ახალი პროდუქტის შესახებ

შესაძლოა, საკმაოდ მაცდური იყოს ინფლუენსერების დახმარება ახალი პროდუქტის გაშვებისას, მაგრამ ამას საპირისპირო შედეგი შეიძლება ჰქონდეს — ინფლუენსერთა პოსტების ROI, რომელშიც ახალი პროდუქტის შესახებ აცხადებდნენ, 30.5%-ით უფრო დაბალი იყო იმ პოსტებთან შედარებით, სადაც ამ საკითხზე საუბარი არ ყოფილა. ამიტომ, პირდაპირ პროდუქტის გაცნობით არ უნდა დაიწყოთ, არამედ ეს უფრო მარტივი გზით შეგიძლიათ გააკეთოთ:

„Kiehl’s-ის ულტრა დამატენიანებელი კრემი აუცილებლად უნდა იყოს რეკომენდებული. ეს არის ლეგენდარული, ყველაზე გაყიდვადი დამატენიანებელი კრემი, რომელიც პირველ ადგილს უკვე 40 წელია იკავებს!

გამოდის, ბრენდებმა უნდა მოძებნონ მრავალი მიმდევრის მქონე ინფლუენსერები, რომლებიც ზომიერად პოსტავენ და რომლის მიმდევრებსაც ამ ბრენდის კონტენტი აინტერესებთ. ხოლო, როცა პოსტების შედგენას დაიწყებენ, საშუალოდ პოზიტიური ტონი უნდა აირჩიონ, რაც მოიცავს ლინკებს, როცა შესაძლებელია და ახალი პროდუქტის რეკლამირების თავიდან არიდებას. მსგავსად კი, ბრენდებს შეუძლიათ დარწმუნებულები იყვნენ, რომ ინფლუენსერ მარკეტინგი შედეგს ნამდვილად გამოიღებს.

წყარო: HBR
 

ავტორი: megi
სტატიის სახელი: როგორ მივიღოთ დადებითი შედეგები ინფლუენსერ მარკეტინგიდან?
სტატიის წყარო: ქართული ფორუმი-https://wapforum.ge
ციტირების და გაზიარების წესები: მოკლე ციტატების გაკეთება შესაძლებელია სტატიიდან წყაროს მითითებით, მაგრამ მთელი სტატიის სხვა საიტზე დაკოპირება ან სხვაგან გამოქვეყნება შეუძლებელია ავტორის ნებართვის გარეშე.
სურათის ჩამაგრება

Back
Top