სიახლე პრეპარატი "დიპროსპანი" ბაზრიდან გამოითხოვეს

სიახლე
მარიამი

მარიამი

ფორუმელი
13 იანვარი 2023
თემები
3,420
3,051
სამედიცინო და ფარმაცევტული საქმიანობის რეგულირების სააგენტომ, ფარმაცევტული კომპანიის Schering-Plough Labo N.V, წარმოებული პრეპარატი დიპროსპანი (5მგ + 2მგ)/მლ 1მლ ბაზრიდან გამოითხოვა. უწყება განმარტავს, რომ გადაწყვეტილების მიზეზი, ბელგიის მედიკამენტებისა და ჯანმრთელობის პროდუქტების ფედერალური სააგენტოს გადაწყვეტილება გახდა. მარეგულირებლის მიხედვით, წამლის ხარისხის პრობლემა ოთხ სერიაზე (W002247,W005812, W028823, W030207) დაფიქსირდა - კერძოდ, წარმოების პროცესში უჟანგავი ფოლადის პოტენციური ნაწილაკებით დაბინძურება. "ძირეული მიზეზის გამოკვლევამ აჩვენა, რომ ნაწილაკები ჩნდებოდა უჟანგავი ფოლადის ზამბარის კოროზიისგან, რომელსაც წარმოების პროცესში გამოყენებული სტერილური ერთჯერადი კვანძები შეიცავს. ნაწილაკები იდენტიფიცირდა, როგორც პროცესისთვის დამახასიათებელი, სტერილური და ინერტული", - აცხადებს რეგულირების სააგენტო. სააგენტოს ცნობით, მწარმოებელმა მათ ინფორმაცია მიაწოდა, რომ არ ყოფილა შეტყობინებები, რეალიზებული პროდუქტის პარტიებში, მყარ ნაწილაკებთან დაკავშირებული არასასურველი რეაქციების შესახებ. პრეპარატის ანოტაციის მიხედვით, მას სხვა დაავადებებთან ერთად გამოიყენებენ, მათ შორის, რევმატოიდული ართრიტისა და ოსტეოართრიტის დროს. სააგენტო აცხადებს, რომ ფარმაცევტული პროდუქტის იმპორტიორებსა და რეალიზატორებს დაევალათ, შეაჩერონ წამლის რეალიზაცია, გამოითხოვონ ბაზრიდან და ინფორმაცია უწყებაში წარადგინონ.

ბმულის სანახავად უნდა იყოთ [რეგისტრირებული ] [ავტორიზაცია]
 

ავტორი: მარიამი
სტატიის სახელი: სიახლე პრეპარატი "დიპროსპანი" ბაზრიდან გამოითხოვეს
სტატიის წყარო: ქართული ფორუმი-https://wapforum.ge
ციტირების და გაზიარების წესები: მოკლე ციტატების გაკეთება შესაძლებელია სტატიიდან წყაროს მითითებით, მაგრამ მთელი სტატიის სხვა საიტზე დაკოპირება ან სხვაგან გამოქვეყნება შეუძლებელია ავტორის ნებართვის გარეშე.
სურათის ჩამაგრება

Back
Top