სიახლე გვაქვს რესურსი, რუსეთს დავუმძიმოთ ვითარება, ჩვენი ინტერესია, ქვეყანა არავის გავანადგურებინოთ - კობახიძე

  • Thread starter ელენე
  • Დაწყების თარიღი
სიახლე
ელენე

ელენე

Wapforum.GE
13 იანვ 2023
თემები
2,069
2,069
მმართველი პარტიის, "ქართული ოცნების" თავმჯდომარე, ირაკლი კობახიძე ისევ მეორე ფრონტის გახსნის ინტერესებზე საუბრობს. მისი თქმით, მიუხედავად საქართველოს სამხედრო რესურსისა, რომ "რუსეთს დაუმძიმოს ვითარება", ამას არ გააკეთებენ და "ქვეყანას არავის გაანადგურებინებენ". ამის შესახებ კობახიძემ პარლამენტში, ჟურნალისტებთან კომენტარისას ისაუბრა: "არსებობს მეორე ფრონტის გახსნის კონკრეტული ინტერესი, იმისათვის, რომ რუსეთს დაუმძიმდეს პირველ ფრონტზე მდგომარეობა. ჩვენ გვყავს 25 ათასი კარგად გაწვრთნილი სამხედრო, გვაქვს ასამდე ტანკი, 2 მოიერიშე თვითმფრინავი და ა.შ. გარკვეული რესურსი, რომ ჩვენ დავუმძიმოთ რუსეთს ვითარება, არსებობს, მაგრამ ეს, საბოლოო ჯამში, საქართველოს განადგურების ხარჯზე მოხდება. ჩვენი ინტერესია, ქვეყანა არავის გავანადგურებინოთ, ამიტომ ბოლომდე გავყვებით ამ ინტერესს". კობახიძემ, ასევე აღნიშნა, რომ ბოლო ორი კვირის მოცემულობით, ფრონტზე უპირატესობა რუსეთს აქვს, რადგან უკრაინას ამ დროის განმავლობაში არცერთი დასახლებული პუნქტი "არ აუღია". "ბოლო 1-2 კვირა რომ ავიღოთ, არცერთი დასახლებული პუნქტი არ აუღია უკრაინულ მხარეს და მინიმუმ ბოლო 1 კვირაში, ათამდე დასახლებული პუნქტი აიღო რუსულმა მხარემ. ეს აჩვენებს რომ უპირატესობა, ამ ეტაპზე, აქვს რუსულ მხარეს. საერთო ჯამში, ომის დაწყებამდე რუსეთს ოკუპირებული ჰქონდა ყირიმი და დონბასის ნაწილი. დღეს რუსეთს ოკუპირებული აქვს ხერსონის 80%, ასევე ხარკოვის ოლქის ნაწილი და ზაპოროჟიეს ოლქის 80%", - ამბობს კობახიძე და ამატებს, რომ ამ პირობებში იზრდება ზოგიერთი ძალის ინტერესი, რომ "საქართველო იყოს ჩართული სამხედრო კონფლიქტში". "ამის უკან ვიღაცისთვის რაღაც ობიექტური ინტერესი შეიძლება, არსებობდეს", თქვა მან. ჟურნალისტის კითხვაზე, "ვის აქვს ეს ინტერესი?" - კობახიძე არ აკონკრეტებს კონკრეტულ პირებს, ძალებსა თუ ქვეყნებს და ამბობს: "დავარქვათ გლობალური ომის პარტია. ვიცით ჩვენ ამის უკან ვინ და რა იგულისხმება, მაგრამ ამას ბოლომდე არ დავარქმევთ სახელს. გლობალური ომის პარტიას ვამბობთ, რათა არ დავუპირისპირდეთ კონკრეტულ სახელმწიფოს". ამერიკული ანალიტიკური ცენტრის, ომის შემსწავლელი ინსტიტუტის(ISW) მონაცემებით, რუსეთმა ინიციატივა დაიბრუნა უკრაინის ლუგანსკის ოლქში და მორიგი მასშტაბური შეტევა დაიწყო. ამერიკელი ექსპერტების შეფასება ეფუძნება ღია წყაროებით გავრცელებული ცნობების ანალიზს. კერძოდ, რუსული ძალების შეტევა მიმდინარეობს ლუგანსკის და ხარკოვის ოლქების საზღვართან მდებარე სვატოვო-კრემენნაიას მონაკვეთზე, სადაც მათი აქტივობა ბოლო ერთი კვირის განმავლობაში იმატებდა. ოპერაციაში ჩართულია რუსეთის არმიის სულ მცირე სამი დივიზია. ამერიკელი ანალიტიკოსების თანახმად, რუს სამხედროებს გარკვეული წარმატება აქვთ სვატოვოდან ჩრდილო-დასავლეთით. ამასთან, უკრაინის შეიარაღებული ძალები მოწინააღმდეგეს ჯერჯერობით არ აძლევენ მნიშვნელოვანი წარმატების მიღწევის შესაძლებლობას.

ბმულის სანახავად უნდა იყოთ [რეგისტრირებული ] [ავტორიზაცია]
 
სურათის ჩამაგრება

Top