სიახლე გადაიდო ბიუროს სხდომა, რომელზეც "აგენტების" კანონპროექტის პლენარულზე გასვლის დრო უნდა განესაზღვრათ

  • Thread starter მარიამი
  • Დაწყების თარიღი
  • პოსტები 0
  • ნანახია 420
სიახლე
მარიამი

მარიამი

ფორუმელი
13 იანვარი 2023
თემები
3,420
3,051
პარლამენტის ბიუროს სხდომა, რომელიც დღეს, 6 მარტს 15:00 საათზე იყო დანიშნული, გადაიდო. იგი ხვალ, დილის 10:00 საათზე გაიმართება. პარლამენტის პრესსამსახურში სხდომის გადადების მიზეზად აცხადებენ, რომ საკითხები, რომელიც ბიუროს სხდომაზე უნდა განეხილათ არ არის მზად, რადგან კომიტეტის სხდომა ჯერ არ დასრულებულა. ბიუროს დღევანდელ სხდომაზე უნდა განესაზღვრათ ე.წ. უცხოეთის აგენტების შესახებ კანონპროექტების პლენარულ სხდომაზე, პირველი მოსმენით გატანის თარიღი. პარალელურად, ჯერ კიდევ მიმდინარეობს იურიდიულ საკითხთა კომიტეტის სხდომა, რომელიც დღეს დილიდან დაპირისპირების ფონზე დაიწყო. სხდომაზე განიხილავენ მოძრაობა "ხალხის ძალის" კანონპროექტებს "უცხოელი აგენტების რეგისტრაციის" და "უცხოური გავლენის გამჭვირვალობის" შესახებ. კანონპროექტები სამოქალაქო საზოგადოების, მედიისა და ოპოზიციური პარტიების მწვავე პროტესტს იწვევს. კომიტეტის თავმჯდომარე ანრი ოხანაშვილმა დარბაზიდან გააძევა ათამდე დეპუტატი, სხდომის დაწყებიდან პირველივე საათში ორი ტექნიკური შესვენება გამოაცხადა და ოპონენტები არაკონსტრუქციულობაში დაადანაშაულა. პარალელურად, საპროტესტო აქცია მიმდინარეობს პარლამენტის შენობის გარეთ. ე.წ. უცხოური აგენტების შესახებ კანონპროექტების განხილვას აპროტესტებენ ჟურნალისტები, სამოქალაქო სექტორის წარმომადგენლები და პოლიტიკოსები. ისინი ხელისუფლებას ადანაშაულებენ "რუსული კანონის" მიღებისა და საქართველოს ევროპული ინტეგრაციის მიზანმიმართულად შეფერხების მცდელობაში.

ბმულის სანახავად უნდა იყოთ [რეგისტრირებული ] [ავტორიზაცია]
 

ავტორი: მარიამი
სტატიის სახელი: სიახლე გადაიდო ბიუროს სხდომა, რომელზეც "აგენტების" კანონპროექტის პლენარულზე გასვლის დრო უნდა განესაზღვრათ
სტატიის წყარო: ქართული ფორუმი-https://wapforum.ge
ციტირების და გაზიარების წესები: მოკლე ციტატების გაკეთება შესაძლებელია სტატიიდან წყაროს მითითებით, მაგრამ მთელი სტატიის სხვა საიტზე დაკოპირება ან სხვაგან გამოქვეყნება შეუძლებელია ავტორის ნებართვის გარეშე.
სურათის ჩამაგრება

Back
Top