მეცნიერება ჩერნობილის "სპილოს ფეხი" — ბირთვული კატასტროფის აშკარა შეხსენება

მეცნიერება

levani150

Ახალი წევრი
13 ივნისი 2023
თემები
2
2
მეცნიერების აზრით, სპილოს ფეხი შეიძლება დაგვეხმაროს ბირთვულ ენერგიასთან დაკავშირებული რისკების გაგებაში. კერძოდ, იგი შეგვიძლია, გამოვიყენოთ უკეთესი უსაფრთხოების ზომების შესამუშავებლად, რათა მომავალი კატასტროფები თავიდან ავირიდოთ.

lrzMMz0QtEuz8ZRec3Z3wQoRLuwjYaBQFTWbfzkw_63a5981c9d921.jpg




1986 წლის 26 აპრილს უკრაინაში, ჩერნობილის ატომურ ელექტროსადგურზე კატასტროფული ბირთვული ავარია მოხდა. მთელი რიგი ადამიანური შეცდომებითა და ტექნიკური გაუმართაობებით გამოწვეულმა აფეთქებამ ქარხნის მე-4 რეაქტორზე, გარემოში გამოყო უზარმაზარი რაოდენობის ბმულის სანახავად უნდა იყოთ [რეგისტრირებული ] [ავტორიზაცია]. კატასტროფამ დამანგრეველი გავლენა იქონია მიმდებარე ტერიტორიაზე და მისი შედეგები დღესაც იგრძნობა.
უბედური შემთხვევის შედეგად დარჩენილი ერთ-ერთი ნაშთი არის უაღრესად რადიოაქტიური ლავას მსგავსი მასალა, მეტსახელად "სპილოს ფეხი". ეს არის იშვიათი ნივთიერების, ბმულის სანახავად უნდა იყოთ [რეგისტრირებული ] [ავტორიზაცია], უზარმაზარი მასა, რომლის სიგრძე, დაახლოებით, 3 მეტრია. მისი მაღალი რადიაციის გამო, მხოლოდ რამდენიმე წუთის ზემოქმედებაც კი საკმარისია ადამიანის მოსაკლავად.
7gi6cXrIfvkFwRH9GLSOno9ZEkF3rNxWappJ2kl1.jpg

ჩერნობილის ატომური ელექტროსადგური
ფოტო: Blinoff/iStock

სპილოს ფეხის აღმოჩენა​

აფეთქებიდან რამდენიმე თვის შემდეგ ინჟინრების ჯგუფი გაგზავნეს რეაქტორის ნაშთების გამოსაკვლევად. მათ აღმოაჩინეს უზარმაზარი მასა, რომელიც ქარხნის სარდაფში იყო მოქცეული. სპილოს ფეხთან მსგავსების გამო, ინჟინრებმა მასას სახელი სიმბოლურად შეურჩიეს.
გუნდმა განაგრძო ფოტოების სერიის გადაღება და სტრუქტურის ნიმუშების შეგროვება. ნიმუშები გამოიყენებოდა მასის მიერ გამოსხივებული რადიაციის მაღალი დონის დასადგენად. ჩერნობილის კატასტროფის გამოძიების მნიშვნელოვანი ნაწილი იყო სპილოს ფეხის აღმოჩენა, რაც დაეხმარა მეცნიერებს აფეთქების შედეგად მიყენებული ზიანის სრულყოფილად გააზრებაში.

სპილოს ფეხის ფორმირება და შემადგენლობა​

აფეთქების შემდეგ, რეაქტორის რადიოაქტიურმა მასალამ თითქმის 2 მეტრი გაიარა რეაქტორის ჭურჭლის ძირში და დაეცა შემაკავებელი ზონის იატაკზე. აქ ის რეაქციაში შევიდა ბეტონთან და შეიცვალა შემადგენლობა. საბოლოოდ, ის გაცივდა და გამაგრდა და ჩამოყალიბდა სპილოს ფეხად. ვარაუდობენ, რომ კატასტროფის დროს ტემპერატურამ მიაღწია 2600°C-ს.
სპილოს ფეხი არის რადიოაქტიური და გამდნარი მასალის დიდი მასა, რომელიც ცნობილია როგორც კორიუმი. იგი შედგება უაღრესად რადიოაქტიური მასალების ნარევისგან, მათ შორის, ურანის, პლუტონიუმის და სხვა ბირთვის გაყოფის პროდუქტებისგან. ის ასევე შეიცავს ბეტონს, ქვიშასა და სხვა მასალებს, რომლებიც აფეთქების დროს რეაქტორის ბირთვსა და ბეტონის შემაკავებელ ზონაში იყო.
კორიუმი ბუნებრივად წარმოიქმნება მხოლოდ ბირთვული ავარიის დროს და მხოლოდ ხუთჯერ ჩამოყალიბდა: ერთხელ ჩერნობილში, ერთხელ სამი მილის კუნძულის ავარიისას 1979 წელს და სამჯერ ფუკუშიმა დაიჩის რეაქტორის კატასტროფისას 2011 წელს.
ჩერნობილში სპილოს ფეხის ზუსტი შემადგენლობა უცნობია მისი ძალიან რადიოაქტიური ბუნების გამო. თუმცა, მისი მოყავისფრო ფერიდან გამომდინარე, შეგვიძლია ვივარაუდოთ, რომ იგი შეიცავს დიდი რაოდენობით სილიციუმს.

შედეგი​

1986 წლის მაისიდან ნოემბრამდე, აშენდა თავშესაფარი, რათა დაელუქათ რადიოაქტიური მასალები მე-4 რეაქტორში, რომელიც მოიხსენიება სარკოფაგის სახელით. თავშესაფარი აშენდა ფოლადისა და ბეტონისგან. სარკოფაგი თავშესაფარში თავდაპირველი რადიოაქტიური მასალის 95%-მდე შეიცავდა.
1996 წელს, ჩერნობილის კატასტროფიდან ათი წლის შემდეგ, რადიაციის სპეციალისტი, არტურ კორნეევი, ეწვია ადგილს. მისი ამოცანა იყო საწვავის მოძიება სტრუქტურაში, რათა უკეთ გაეგო რადიაციის დონეები, რომელსაც ასხივებს სპილოს ფეხი. ვიზიტის დროს მან სტრუქტურის რამდენიმე ფოტო გადაიღო.
ეს ფოტოები იყო გაფრთხილება დანარჩენი მსოფლიოსთვის სტრუქტურის ცუდი მდგომარეობის შესახებ. ამის შემდეგ, G7-მა დააფინანსა New Safe Confinement-ის პროექტი, რათა აეშენებინათ უფრო მტკიცე სათავსო მე-4 რეაქტორის ნაშთებისთვის. სტრუქტურა დასრულდა 2016 წელს და არის ბევრად უფრო დიდი პროექტის ნაწილი, რომელიც მიზნად ისახავს ატომური ელექტროსადგურის მიმდებარე ტერიტორიის უსაფრთხოებას მომდევნო 100 წლის განმავლობაში.
k1kUUAtoS6A4bkZ11kp4GQnqMLsou7WSeCaarCiY.jpg

New Safe Confinement ჩერნობილის ატომურ ელექტროსადგურზე
ფოტო: Wikipedia

ჩერნობილის კატასტროფის შემდეგ ადგილზე მეხანძრე-მაშველებისა და სასწრაფო დახმარების მუშაკების უზარმაზარი ჯგუფი გაგზავნეს. მათი ამოცანა იყო ხანძრის შეკავება და შემდგომი ზიანის თავიდან აცილება. სამწუხაროდ, ამ მუშათაგან ბევრი დაზიანდა რადიაციის მაღალი დონისგან და, შედეგად, მათგან, სულ მცირე, 50 დაიღუპა. ამ მუშებისა და მეხანძრეების ხსოვნის აღსანიშნავად, ჩერნობილში აშენდა სკულპტურა მათი სიმამაცის სამახსოვროდ.
ztzFLDRY1L9X5VUvUtabKUIBmHxSVJXCOT5fyAoL.jpg

ქანდაკება მეხანძრეებისა და მუშებისა, რომლებიც მუშაობდნენ ელექტროსადგურის მიმდებარე ტერიტორიების უსაფრთხოების უზრუნველსაყოფად, აფეთქებისთანავე.
ფოტო: Konoplytska/iStock

ჩერნობილი დღეს​

დღეს ქალაქი და მიმდებარე ტერიტორია, რომელიც ცნობილია როგორც ბმულის სანახავად უნდა იყოთ [რეგისტრირებული ] [ავტორიზაცია], რჩება დაუსახლებელი რადიაციის მაღალი დონის გამო. გამორიცხვის ზონის ნაწილები, დაახლოებით, 4 000 კვადრატული კილომეტრი, ახლა ტურისტულ ღირსშესანიშნაობად იქცა, სადაც ვიზიტორებს შეუძლიათ, დაათვალიერონ მიტოვებული ქალაქი და ელექტროსადგური. თუმცა, ამ ტერიტორიაზე ხანგრძლივი დროის გატარება ჯერ კიდევ ძალიან საშიშია.
სპილოს ფეხი, რისკების მიუხედავად, რჩება სამეცნიერო ცნობისმოყვარეობის საგნად. ის ნათელს ჰფენს ბირთვული კატასტროფების შედეგებს და მაღალი რადიაციის შემცველი მასალების ქცევას. სპილოს ფეხი შეიძლება დაგვეხმაროს ბირთვულ ენერგიასთან დაკავშირებული რისკების გაგებაში. კერძოდ, იგი შეგვიძლია, გამოვიყენოთ უკეთესი უსაფრთხოების ზომების შესამუშავებლად, რათა მომავალი კატასტროფები თავიდან ავირიდოთ.
 

ავტორი: levani150
სტატიის სახელი: მეცნიერება ჩერნობილის "სპილოს ფეხი" — ბირთვული კატასტროფის აშკარა შეხსენება
სტატიის წყარო: ქართული ფორუმი-https://wapforum.ge
ციტირების და გაზიარების წესები: მოკლე ციტატების გაკეთება შესაძლებელია სტატიიდან წყაროს მითითებით, მაგრამ მთელი სტატიის სხვა საიტზე დაკოპირება ან სხვაგან გამოქვეყნება შეუძლებელია ავტორის ნებართვის გარეშე.
სურათის ჩამაგრება

Back
Top