კლუბი Chelsea FC

Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
CL-final-team-shot.jpg

საფეხბურთო კლუბი „ჩელსი“ (ინგლ. Chelsea Football Club) — ინგლისური საფეხბურთო კლუბი დასავლეთ ლონდონში, ინგლისში. გუნდი დაარსდა 1905 წელს, თამაშობს პრემიერლიგაში და ისტორიის უდიდესი ნაწილი გატარებული აქვს ინგლისის უმაღლეს ლიგაში. გუნდის განკარგულებაშია 41,837 ადგილიანი სტადიონი „სტემფორდ ბრიჯი“. „ჩელსი“ ინგლისის ოთხგზის ჩემპიონია, მოგებული აქვს ასოციაციის თასი 7-ჯერ, ლიგის თასი 4-ჯერ; ასევე, უეფა-ს ჩემპიონთა ლიგა ორჯერ (2011-12, 2020-21), უეფა-ს ევროპა ლიგა 2-ჯერ (2012-2013, 2018-2019) და თასების მფლობელთა თასი 2-ჯერ (1970-71, 1997-98). „ჩელსი“ ერთადერთი ლონდონური კლუბია, რომელსაც ჩემპიონთა ლიგა აქვს მოგებული.

დაარსების დღიდან „ჩელსი“ თამაშობს „სტემფორდ ბრიჯზე“, რომელიც მდებარეობს ფულემში, დასავლეთ ლონდონში. მიუხედავად სახელწოდებისა, კლუბი კენსინგტონისა და ჩელსის საქალაქო რაიონის ფარგლებს გარეთ მდებარეობს, ჰემერსმითის და ფულემის ლონდონის საქალაქო რაიონში. 2003 წელს „ჩელსი“ იყიდა რუსმა ოლიგარქმა რომან აბრამოვიჩმა.

„ჩელსის“ ტრადიციული საფეხბურთო ფორმა არის სამეფო ლურჯი ფერის მაისურები და შორტები და თეთრი გეტრები. მოდერნიზებისა და რებრენდინგის მიზნით კლუბის ლოგო ისტორიის მანძილზე რამდენიმეჯერ შეიცვალა. მიმდინარე ლოგო არის 1950-იან წლებში შექმნილი ლოგოს მოდიფიცირებული ვერსია, რომელზედაც გამოსახულია ლომი კვერთხით ხელში. ინგლისურ ფეხბურთში, „ჩელსის“ ყველა დროის საშუალო დასწრების მეხუთე მაჩვენებელი აქვს.

skysports-chelsea-stadium-plans-redevelopment_3904319.jpg


„ჩელსი“ საშინაო მატჩებს ატარებს „სტემფორდ ბრიჯზე“, რომელიც ოფიციალურად გაიხსნა 1877 წლის 28 აპრილს. თავდაპირველად 28 წლის მანძილზე „სტემფორდ ბრიჯზე“ საფეხბურთო მატჩების გარდა ეწყობოდა შეჯიბრებები მსუბუქ ათლეტიზმში ლონდონის სპორტული კლუბის მიერ. 1904 წელს „სტემფორდ ბრიჯი“ ბიზნესმენმა ძმებმა გას და ჯოზეფ მირსებმა შეიძინეს და ლონდონის საფეხბურთო კლუბს „ფულემს“ თამაშების გამართვა შესთავაზეს. ფულემისგან ძმებმა უარი მიიღეს რის შემდეგაც გადაწყვიტეს საკუთარი კლუბი დაეარსებინათ ვინაიდან არენა მდებარეობდა ფულემის რაიონში და ამ სახელწოდების კლუბი უკვე არსებობდა, მირსებმა ახლად დაარსებულ კლუბს მეზობელი რაიონის სახელი „ჩელსი“ შეურჩიეს. სტადიონი დააპროექტა არქიტექტორმა არჩიბალდ ლეიტჩმა. ისტორიის მანძილზე არენამ რამდენიმე რეკონსტრუქცია განიცადა. თავდაპირველად ტევადობა 100 000 მაყურებელს შეადგენდა. მნიშვნელოვანი იყო 1930-იან წლებში სამხრეთ ნაწილში ეგრეთ წოდებული „შედ ენდის“ (Shed End) აშენება, რომელიც განკუთვნილი იყო განსაკუთრებით ერთგული და აქტიური გულშემატკივრებისთვის. 1970-იან წლებში ხელმძღვანელობამ სტადიონის რეკონსტრუქციის გადაწყვეტილება მიიღო, ტევადობის 50 000-მდე შემცირება დაიგეგმა პროექტი საკმაოდ დიდ ფინანსებთან იყო დაკავშირებული რისი უზრუნველყოფაც ხელმძღვანელობამ ვერ შეძლო და „ჩელსიმ“ ვალების დასაფარად სტადიონის ტერიტორია დეველოპერულ კომპანიას დაუთმო. მხოლოდ 1992 წელს კენ ბეიტსმა შეძლო უკან გამოესყიდა „სტემფორდ ბრიჯი“. დღევანდელი მდგომარეობით სტადიონის ტევადობა 41,837 მაყურებელს შეადგენს.

„სტემფორდ ბრიჯის“ ოვალური ფორმა მართკუთხა კონფიგურაციით შეიცვალა, ტრიბუნები მაქსიმალურად ახლოს არის მოედანთან. სტადიონის ტერიტორიაზე მდებარეობს სპორტულ-გასართობი კომპლექსი „ჩელსი ვილიჯი“. იგი მოიცავს ორ ოთხვარსკვლავიან სასტუმროს, ხუთ რესტორანს, საკონფერენციო და საბანკეტო დარბაზებს, ღამის კლუბს, გასართობ ცენტრებს, სპორტულ კლუბს, მიწისქვეშა ავტოპარკინგს. უკანასკნელ წლებში კლუბი აქტიურად განიხილავს სტადიონის გაფართოების გეგმებს, რაც ლონდონის ცენტრის მჭიდროდ განაშენიანების და „სტემფორდ ბრიჯის“ სიახლოვეს ორი სარკინიგზო ხაზის არსებობის გამო საკმაოდ არის შეზღუდული. ჩელსის სავარჯიშო ბაზა მდებარეობს კობემში, სიურეის საგრაფოში. ბაზის მთლიანი რეკონსტრუქცია 2007 წელს განხორციელდა.


აბრამოვიჩის ეპოქა


2003 წლის ივნისში „ჩელსი“ რუსმა მილიარდერმა ოლიგარქმა, რომან აბრამოვიჩმა იყიდა £140 მილიონად. ეს იყო იმ დროისათვის ინგლისურ ფეხბურთში უდიდესი გარიგება. £100 მილიონზე მეტი დახარჯა ახალმა მფლობელმა პირველივე სეზონში ტრანსფერებში, თუმცა რანიერი უძლური აღმოჩნდა ტიტულის მოპოვებაში და იტალიელი 2004 წელს პერსპექტიული ჟოზე მოურინიოთი ჩაანაცვლეს. პორტუგალიელის მეცადინეობით „ჩელსი“ გახდა მეხუთე ინგლისური კლუბი, რომელმაც ზედიზედ შეძლო პრემიერლიგის მოგება 2004-05 და 2005-06 სეზონებში. გარდა ამისა მოურინიომ გუნდს მოაგებინა ასოციაციის თასი 2007 წელს და ლიგის თასები 2005 და 2007 წლებში. მოურინიომ „ჩელსი“ პრემიერლიგის ერთ-ერთ დომინანტ კლუბად აქცია. 2007 წლის სექტემბერში მაურინიოს ადგილას აბრამოვიჩმა ავრაამ გრანტი დანიშნა, რომელმაც „ჩელსის“ ისტორიაში პირველად გუნდის ჩემპიონთა ლიგის ფინალში გაყვანა შეძლო. შეხვედრა გუნდმა პენალტების სერიაში დათმო „მანჩესტერ იუნაიტედთან“. 2008 წლის ზაფხულში „ჩელსის“ მთავარ მწვრთნელად ბრაზილიელი ლუის ფელიპე სკოლარი იქნა მიწვეული. სკოლარიმ მხოლოდ 7 თვე გაატარა ლონდონში და მიუღებელი შედეგებისათვის გაათავისუფლეს. აბრამოვიჩმა დროებით გუნდი რუსეთის ნაკრების მოქმედ მწვრთნელს, გუს ჰიდინკს ჩააბარა. 2008-09 წლების სეზონში „ჩელსიმ“ დრამატულად დათმო ბრძოლა ჩემპიონთა ლიგის ნახევარფინალში „ბარსელონასთან“, მოიგო ასოციაციის თასი. ფინალში, „ევერტონის“ 2-1 დამარცხებიდან ორ დღეში „ჩელსიმ“ მთავარ მწვრთნელად „მილანის“ ყოფილი დამრიგებელი კარლო ანჩელოტი დანიშნა. პირველივე სეზონში იტალიელმა მწვრთნელმა გუნდს პრემიერლიგა და ასოციაციის თასი მოაგებინა. 1963 წლის შემდეგ „ჩელსი“ გახდა პირველი კლუბი, რომელმაც 100 ზე მეტი გოლის გატანა შეძლო ჩემპიონატში. 2011 წლის 22 მაისს ჩელსიმ „მანჩესტერ იუნაიტედთან“ ჩემპიონთა ლიგაზე გამოვარდნის და უტიტულო სეზონის შემდეგ კარლო ანჩელოტი დაკავებული თანამდებობიდან გაათავისუფლა. იტალიელის ნაცვლად აბრამოვიჩმა ახალგაზრდა პორტუგალიელი მწვრთნელი ანდრე ვილაშ-ბოაში დანიშნა. არასახარბიელო რეზულტატის ჩვენების გამო პორტუგალიელ მწვრთნელსაც მოუწია თანამდებობის დატოვება. იგი დროებით ჩაანაცვლა აპენინელმა მწვრთნელმა რობერტო დი მატეომ, რომლის ხელმძღვანელობაც კლუბისთვის ერთობ წარმატებული გამოდგა. კლუბმა მისი თავკაცობით მოიგო ასოციაციის თასი და გახდა 2011-2012 წლების სეზონის უეფას ჩემპიონთა ლიგის გამარჯვებული. 2012-2013 წლების სეზონში, პრემიერლიგაში არადამაჯერებელი სტარტის და ჩემპიონთა ლიგის ჯგუფური ეტაპის ვერგადალახვის გამო რობერტო დი მატეო კლუბის ხელმძღვანელობამ დაითხოვა. მის მაგივრად კლუბის მწვრთნელის პოსტი დროებით დაიკავა ესპანელმა დამრიგებელმა რაფაელ ბენიტესმა, რომელმაც კლუბს მოაგებინა 2012-2013 წლების სეზონის ევროპა ლიგის თასი. 2013 წლის ზაფხულში „ჩელსიში“ სამუშაოდ დაბრუნდა ჟოზე მოურინიო. 2013-14 წლების სეზონი კლუბისთვის მეტნაკლებად წარმატებული აღმოჩნდა; ჩელსი სეზონის ბოლომდე ინარჩუნებდა პრემიერლიგის მოგების შანსს, ჩემპიონთა ლიგაზე კი ნახევარფინალამდე მიაღწია.
 
ბოლო რედაქტირება:

ავტორი: Hazard
სტატიის სახელი: კლუბი Chelsea FC
სტატიის წყარო: ქართული ფორუმი-https://wapforum.ge
ციტირების და გაზიარების წესები: მოკლე ციტატების გაკეთება შესაძლებელია სტატიიდან წყაროს მითითებით, მაგრამ მთელი სტატიის სხვა საიტზე დაკოპირება ან სხვაგან გამოქვეყნება შეუძლებელია ავტორის ნებართვის გარეშე.
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
ლონდონის "ჩელსის" მცველმა რის ჯეიმსმა კარიერაში სამი ყველაზე რთული მეტოქე დაასახელა.

"სამი ყველაზე რთული მეტოქე კარიერაში? შემიძლია დავასახელო სადიო მანე, ვინისიუს ჯუნიორი და რაფაელ ლეაუ. “, - განაცხადა ინგლისელმა ფლანგის მცველმა.

რის ჯეიმსმა "ჩელსისთან" კონტრაქტი 2027 წლამდე გაახანგრძლივა, კიდევ ერთი სეზონით გახანგრძლივების შესაძლებლობით.
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
ბმულის სანახავად უნდა იყოთ [რეგისტრირებული ] [ავტორიზაცია]

მსაჯები, რომლებმაც შეცდომები აღიარეს​






ტომ ჰენინგ ოვრებო - ჩელსი 1:1 ბარსელონა​

ჩელსი ბარსელონას ნახევარფინალური შეხვედრა ერთ-ერთი ყველაზე ცხარედ განხილვადი დაპირისპირებაა ფეხბურთის ისტორიაში, რომელზეც გულშემატკივრები დღემდე კამათობენ. ჩელსის გულშემატკივრები თვლიან, რომ მათი გუნდი გაძარცვეს. ხოლო ბარსელონას ფანები პირველ შეხვედრაში, ვოლფგანგ შტარკის მიერ საპირისპირო მხარეს დაშვებულ შეცდომებზე მიუთითებენ. თუმცა, ერთი რაზეც ყველა თანხმდება არის ის, რომ ტომ ოვრებომ მატჩში ძალიან ბევრი შეცდომა დაუშვა.
ბარსელონას ფეხბურთელებს საჯარიმოში ბურთი ხელზე ორჯერ მოხვდათ, ერთხელ ჯერარდ პიკემ ითამაშა ხელით, რომელიც ძალიან აშკარა პენალტი იყო, ხოლო ბოლო წუთებზე ბალაკის დარტყმული ბურთი საჯარიმოდან ხელით გამოიტანეს. კადრები, სადაც გაცხარებული ბალაკი ოვრებოს მისდევს, ჩემპიონთა ლიგის ისტორიაში სამუდამოდ დარჩება.
იქამდე კიდევ ოთხი მსგავსი ეპიზოდი იყო - სხვადასხვა დროს საჯარიმოში დროგბა, მალუდა და ნიკოლას ანელკაც წააქციეს. მატჩის შემდეგ დროგბა კამერასთან მივიდა და ხმამაღლა იყვირა, რომ ეს ყველაფერი სირცხვილი იყო.
ტომ ჰენინგ ოვრებომ რამდენიმე წლის წინ, მარკასთვის მიცემულ ინტერვიუში, აღიარა, რომ ჩემპიონთა ლიგის ნახევარფინალში ძალიან ცუდად იმსაჯა და უამრავი შეცდომა დაუშვა, მაგრამ გულშემატკივრებს თხოვა მისი კარიერა მხოლოდ ამ ერთი მატჩით არ დაემახსოვრებინათ. თუმცა, საქართველოში ოვრებო იმითაც ახსოვთ, რომ საქართველო - რუსეთის მატჩს მსაჯობდა, რომლის პირველ ტაიმშიც სტადიონზე შუქი წავიდა და მატჩის ერთი წლით გადადება გახდა საჭირო.
ოვრებოსგან განსხვავებით, ვოლფგანგ შტარკს თავისი შეცდომები არასდროს უღიარებია. მეტიც, როცა მას ამ მატჩზე ჰკითხეს, არბიტრმა განაცხადა, რომ შეხვედრის შემდეგ მასთან მიშელ პლატინი მივიდა და შესანიშნავად ჩატარებული მატჩისთვის მადლობა გადაუხადა. შტარკმა განაცხადა, რომ ბალაკის გაგდება საჭიროდ არ ჩათვალა, რადგან, მისი აზრით, ეს დარღვევა ჩვეულებრივი იყო და მხოლოდ და მხოლოდ ჯარიმას იმსახურებდა.


მარკ კლატენბურგი - რეალი 1:1 ატლეტიკო​

2016 წლის ჩემპიონთა ლიგის ფინალში მადრიდის რეალმა ატლეტიკო 3 სეზონში მეორედ დაამარცხა და ჩემპიონთა ლიგის თასი, ისტორიაში მეთერთმეტედ, აღმართა. ეს ფინალი რეალისთვის უმნიშვნელოვანესი იყო, რადგან მადრიდელებმა ჩემპიონთა ლიგის თასის აწევა მომდევნო ორ სეზონშიც მოახერხეს, ხოლო ყველაფერი მილანში დაიწყო.
თუმცა, ამ მატჩში მადრიდელების ერთადერთი გოლი, თამაშგარე მდგომარეობიდან გავიდა. ამ მატჩის არბიტრი მარკ კლატენბურგი იყო, რომელმაც შეცდომა რამდენიმე თვის წინ, დეილი მეილში დაწერილ სტატიაში აღიარა.
"რეალმა პირველი ტაიმი 1:0 მოიგო, ოღონდ გოლი მცირედი თამაშგარიდან გაიტანეს. ჩვენ ეს შესვენებაზე გავიგეთ, როცა გამეორება ვნახეთ. ეპიზოდი ძალიან რთული დასანახი იყო და ჩემმა ასისტენტმა თამაშგარე ვერ დაინახა." - დაწერა კლატენბურგმა.
"მეორე ტაიმში პეპემ ფერნანდო ტორესი წააქცია, მე კი პენალტი დავდე. გაცხარებული მცველი ჩემთან მოვარდა და ხმამაღლა დამიყვირა - "მარკ, ეს პენალტი არ ყოფილა!" მე კი ვუპასუხე - "არც თქვენი გოლი იყო ჩასათვლელი პირველ ტაიმში!", რამაც პეპეს მოაკეტინა.
ვიცი ეს გულშემატკივრებისთვის უცნაურია, რადგან ორი შეცდომა ერთმანეთს არ უარყოფს და, რა თქმა უნდა, მსაჯები ასე არ ვმოქმედებთ, მაგრამ ფეხბურთელები ასე აზროვნებენ."


პიერლუიჯი კოლინა - ჩელსი 4:2 ბარსელონა​

ჩელსი ბარსელონას დაპირისპირებები, იმასთან ერთად, რომ ჩემპიონთა ლიგის ერთ-ერთი ყველაზე კარგი საყურებელი მატჩებია, მსაჯების შეცდომების სიუხვით ყოველთვის გამოირჩევა. მიუხედავად იმისა, რომ ამ გუნდების 2005 წლის დაპირისპირებას მსაჯის შეცდომის გამო შედარებით იშვიათად იხსენებენ, ეს შეცდომა გამარჯვებულის ვინაობის გარკვევაში გადამწყვეტი გამოდგა.
მატჩს, რა თქმა უნდა, ყველაზე ხშირად რონალდინიოს შეუდარებელი პერფორმანსის გამო იხსენებენ, რომელმაც სტემფორდ ბრიჯზე ულამაზესი ფეხბურთი ითამაშა და ტურნირის ისტორიაში ერთ-ერთი ყველაზე სანახაობრივი გოლიც გაიტანა. მაგრამ, რონალდინიოს დუბლი შემდეგ ეტაპზე გასასვლელად საკმარისი არ აღმოჩნდა, რადგან ლონდონელებმა ჯონ ტერის გოლის წყალობით ორბურთიანი გამარჯვების მოპოვება მოახერხეს.
ტერის გოლის ეპიზოდში, რიკარდო კარვალიო ვიქტორ ვალდესს ხელით იჭერდა და მეკარეს საშუალება არ მისცა, ჩელსის კაპიტნის დარტყმა მოეგერიებინა. მეკარესთან საჯარიმოში მცირე კონტაქტიც კი წესების დარღვევაა, ხოლო ჩახუტება და მისი ხელით დაჭერა წარმოუდგენლად აშკარა ჯარიმაა და ძალიან გასაკვირი იყო, როცა ფეხბურთის ისტორიაში ერთ-ერთმა საუკეთესო არბიტრმა ეს ეპიზოდი არასწორად განსაჯა, მაგრამ კოლინამ წლების შემდეგ ყველაფერი განმარტა.
"ვიცოდი, რომ კუთხურებისას ჩელსი ყველაფერს ცდილობდა, რომ ტერისთვის სივრცე გაენთავისფულებინათ - ბლოკებით, ფეხის გამოდებით, ყველანაირი ხერხით. ამიტომ ჩაწოდების მომენტში მთელ ჩემს ყურადღებას ჯონ ტერის ვაქცევდი, რადგან არაფერი გამომპარვოდა და მხოლოდ ის დავინახე, რომ ტერიმ ბურთზე სუფთად ითამაშა. ყველა ფეხბურთელისთვის თვალის დევნება ჩემთვის შეუძლებელი იყო, ამიტომ ვიყავი იმის ინიციატორი, რომ დამატებითი მსაჯები კარების უკანაც მდგარიყვნენ." - განაცხადა კოლინამ.


ჯანლუკა როჩი - ჩელსი 4:4 აიაქსი​

ჩელსი აიაქსის მატჩი წარმოუდგენლად სანახაობრივი იყო და ფრედ, 4:4, დასრულდა. მაგრამ, ჰოლანდიელები რაღაც მომენტში სამბურთიანი სხვაობით იგებდნენ და მატჩის შემდეგ ამსტერდამელები მთელ ყურადღებას იმ ეპიზოდზე ამახვილებდნენ, რომელშიც არბიტრმა ჯანლუკა როჩიმ იგივე ეპიზოდში ორი ამსტერდამელი, დეილი ბლინდი და ჯოელ ველტმანი მოედნიდან გააძევა.
აიაქსი მატჩის დასრულებამდე 20 წუთით ადრე 9 კაცით დარჩა და ჩელსიმ 2:4-დან მატჩის გადარჩენა შეძლო, ბევრის აზრით, ჰოლანდიელებს გამარჯვება არბიტრის შეცდომებმა წაართვა. აიაქსმა ჯგუფური ეტაპი 10 ქულით დაასრულა და ჯგუფში ჩარჩა, ჩელსი კი 11 ქულით მეორე ადგილზე გავიდა.
ტელეგრაფთან ინტერვიუში კი როჩიმ მატჩის შემდეგ უეფასთან შეხვედრის დეტალები გაასაჯაროვა - შეხვედრაზე შეთანხმდნენ, რომ მსაჯს თამაში ბლინდის ორთაბრძოლის შემდეგ უნდა შეეჩერებინა, რის შემდეგაც პენალტის ეპიზოდი აღარ შედგებოდა. კიდევ ერთი რაზეც მსაჯები შეთანხმდნენ იყო ის, რომ ვიდეორეფერის ველტმანის წითელი ბარათი უნდა გაეუქმებინა.
ჟორჟინიომ პენალტი გაიტანა, რის ჯეიმსმა კი 3 წუთის შემდეგ ანგარიში გაათანაბრა და ბოლო წუთებზე აიაქსი კინაღამ უქულოდ დარჩა, რადგან ჩელსის უამრავი მომენტი ჰქონდა და ასპილიკუეტამ გამარჯვების გოლიც კი გაიტანა, რომელიც აბრაჰამის ხელით თამაშის გამო გააუქმეს.
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
big_7004bf9cd027cb2c2f4c3c19fa422b07.webp


ის ფეხბურთელები, რომლებიც მსოფლიო ჩემპიონატზე არ იყვნენ მაინც აქტიურად უყურებდნენ მუნდიალს. რა თქმა უნდა, გამონაკლისებიც არსებობდნენ და ერთ-ერთი ასეთი იტალიის ნაკრების ნახევარმცველი ჟორჟინიო გახლავთ. „მსოფლიო ჩემპიონატის ყურება ტელევიზორში ძალიან რთული იყო. განსაკუთრებით დასაწყისში. თამაშების ყურება არ მინდოდა. სწორედ ამიტომ, ყურადღება, რომ გადამეტანა ოჯახთან ერთად სამოგზაუროდ წავედი. მე მხოლოდ რამდენიმე მატჩს ვუყურე, თანაც ისეთს, რომელშიც ჩემი მეგობრები თამაშობდნენ.იცით? დაწყების დროც არ ვიცოდი. არ მინდოდა ყურება და არც მაინტერესებდა. ბოლოს კი მაინც ფეხბურთის მოყვარული ჟორჟინიო დაბრუნდა და ფინალურ ეტაპს უყურა. დანაშაულია, რომ იტალია იქ არ იყო.“ შეგახსენებთ, რომ „სკუადრა აძურამ“ მსოფლიო ჩემპიონატის საკვალიფიკაციო ეტაპი მეორე ადგილზე დაასრულა და კატარში გასამგზავრებლად პლეი-ოფში თამაში დასჭირდა, სადაც ჩრდ.მაკედონიას დაუპირისპირდა და 0:1 წააგო. ამის შედეგად კი მანჩინის შეგირდები მუნდიალს მიღმა დარჩნენ.
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
ბრავო ბიჭობა ♥️ არ ველოდი ასეთ ტაიმს
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
არგენტინელი ნახევარმცველი, ენცო ფერნანდესი 2022 წლის მსოფლიო ჩემპიონატის ერთ-ერთი აღმოჩენაა. „ბენფიკას“ ფეხბურთელი უყურადღებობას არც მუნდიალის დაწყებამდე განიცდიდა, თუმცა მსოფლიო ჩემპიონატი ენცოსთვის გარდამტეხი აღმოჩნდა. დიდი შანსია, რომ 21 წლის ნახევარმცველი პორტუგალიურ კლუბს 2023 წლის ზამთრის სატრანსფერო ფანჯარაზე დატოვებს და კარიერას რომელიმე ევროპულ ტოპ-კლუბში გააგრძელებს.

ბმულის სანახავად უნდა იყოთ [რეგისტრირებული ] [ავტორიზაცია], ლონდონის „ჩელსი“ მზადაა ფეხბურთელის სანაცვლოდ „ბენფიკას“ 130 მილიონი ევრო გადაუხადოს. სააგენტოს ცნობით, „არისტოკრატებმა“ პორტუგალიელებს ოფიციალური შეთავაზებითაც მიმართეს.

„ჩელსი“ არაა ერთადერთი კლუბი, რომელიც არგენტინელი ფეხბურთელის გადაბირებას ცდილობს. ასევე იწერება, რომ ენცოს ყიდვით მადრიდის „რეალიცაა“ დაინტერესებული და ფლორენტინო პერესი მზად არის 120 მილიონი ევროს გადასახდელად.

7xm.xyz319271.jpg


საბოლოოდ, ყველაფერი თავად ფერნანდესზე იქნება დამოკიდებული. პორტუგალიური მედიის ცნობით, „ბენფიკას“ პრეზიდენტს, რუი კოშტას ფეხბურთელთან რამდენჯერმე ჰქონდა საუბარი და იმედოვნებს, რომ ენცო კლუბში მინიმუმ სეზონის ბოლომდე დარჩება. თუმცა, სურვილის შემთხვევაში, „ბენფიკა“ 21 წლის ფეხბურთელს წასვლაში ხელს არ შეუშლის.

მიმდინარე სეზონში არგენტინელმა „ბენფიკაში“ ჩატარებულ 24 მატჩში 3 გოლი გაიტანა და 4 საგოლე გადაცემა შეასრულა.

ენცო ფერნანდესი ცოტა ხნის წინ არგენტინის ნაკრებთან ერთად 2022 წლის მსოფლიო ჩემპიონატის გამარჯვებული გახდა. ტურნირის დასრულების შემდეგ, 21 წლის ნახევარმცველი მუნდიალის საუკეთესო ახალგაზრდა ფეხბურთელად დასახელდა.
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
ეს ვის ხელში ჩავარდა კლუბი ?
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
ჟოაო ფელიქსი დაიმატეს იჯარით, კაი მწვრთნელის ხელში ათამაშდებოდა არადა ეს ბიჭი ?
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
ეს ობამეიანგი როგორ ჩაკვდა ასე, ბაბუას დავპირდი რეალში ვითამაშებო ტიპმა და პორტსმუთის დონეს ვერ აჩვენებს
 
Hazard

Hazard

ადმინისტრატორი
მოდერატორი
16 დეკემბერი 2022
თემები
2,253
5,435
მუდრიკი იყიდეს მგონი, ვინმე ტოპი რო იყიდონ რა იქნება ?
 
სურათის ჩამაგრება

Back
Top