Stadioni.ge - საფეხბურთო საიტი
სალამი სტუმარო!
Stadioni.ge - საფეხბურთო საიტი
* სიახლეები | Lampard | კარდიფის მწვრთნელს შეხვდა - ბეილი მშობლიურ კლუბში?
No Avatar ავტორი: * Lampard [OFF] ( 23 ივნისი 2022 - 11:19)
ნახვები: 1
გარეთ ბეილმა „სამეფო კლუბი“ დატოვა და მისი მომავალი ბურუსით არის მოცული. სპორტული სააგენტოების ნაწილი წერს, რომ მსოფლიო ჩემპიონატის დასრულების შემდეგ, ბეილი კარიერას დაასრულებს, თუმცა ლოგიკურია, რომ ის მუნდიალს ოპტიმალურ ფორმაში უნდა შეხვდეს.
აქედან გამომდინარე, „რეალის“ ყოფილ ფეხბურთელს სათამაშო პრაქტიკა სჭირდება. WalesOnline-ის ინფორმაციით, გარეთი დღეს „კარდიფ სიტის“ სტადიონზე შენიშნეს, სადაც გუნდის მთავარ მწვრთნელს სტივ მორისონს ესაუბრებოდა.

სპორტულ მედიაში გაჩნდა ჭორები, რომ ბეილი მშობლიურ კლუბს დაუბრუნდება, რათა მსოფლიო ჩემპიონატისთვის იდეალურად მოემზადოს. „კარდიფ სიტი“ მისთვის იდეალური ვარიანტი იქნება, რადგან 32 წლის შემტევი საკუთარ ქვეყანაში ძალიან უყვართ და მას სტადიონზე არავინ დაუსტვენს. მეტიც, უელსის ნაკრების მუნდიალზე მოხვედრა მეტწილად გარეთის დამსახურებაც არის.
აღნიშნული წყარო წერს, რომ ბეილის და მორისონის პირადი საუბარი დიდი წინ გადადგმული ნაბიჯია. როგორც ცნობილია, „კარდიფ სიტი“ ფინანსების მოძიების პროცესშია, რათა გარეთს მოთხოვნილი ხელფასი დაუკმაყოფილოს.
შეგახსენებთ, რომ „კარდიფ სიტი“ გასულ სეზონში ინგლისის ჩემპიონშიფში ასპარეზობდა, სადაც 46 ტურის შემდეგ, 54 ქულა დააგროვა და მე-18 პოზიციაზე გავიდა. შესაბამისად, მორისონის გუნდი მომავალ სეზონშიც ინგლისის რანგით მეორე ლიგაში ითამაშებს.
« უკან. (12 სულ 3320) წინ. »
გაზიარებულია: (0)
* (0) *
სოც ქსელები:
კომენტარები: (0)
კომენტარები არ არის
* სიახლეები | Lampard | კარდიფის მწვრთნელს შეხვდა - ბეილი მშობლიურ კლუბში?