სალამი სტუმარო!
შესვლა რეგისტრაცია
Stadioni.ge - საფეხბურთო საიტი
ავტორი: Lampard დაამატა: (21 აპრილი 2022 - 01:30)
გავრცელებული ინფორმაციით, „პარი სენ ჟერმენმა“ სერხიო რამოსს აცნობა, რომ ის კლუბის სამომავლო გეგმებში არ შედის და თუ სურვილი ექნება ზაფხულის სატრანსფერო ფანჯრის დროს ნებისმიერ გუნდში შეეძლება წასვლა.
ვეტერანი ესპანელის კონტრაქტი 2023 წლის ივნისში იწურება, თუმცა, როგორც MARCA წერს, ფრანგული მხარე მზად არის ყველაფერი მიმდინარე წლის ზაფხულში დაასრულოს.
Le Parisien-ის ცნობით, ამის მიზეზი სერხიო რამოსის გაუთავებელი ტრავმები გახდა. „პარი სენ ჟერმენისთვის“ გამუდმებით ტრავმირებული ფეხბურთელის გუნდში ყოლა მიუღებელია.
Le Parisien იმასაც წერს, რომ თავად ესპანელ ფეხბურთელს პარიზის დატოვება არ სურს და მომავალ სეზონში ძირითადი შემადგენლობისთვის აპირებს ბრძოლას. ნასერ ალ ხელაიფს ყველაზე მეტად მისი ხილვა ჩემპიონთა ლიგაზე სურდა, თუმცა დაზიანებების გამო ეს არ მოხერხდა.
შეგახსენებთ, რომ რამოსი „პარი სენ ჟერმენს“ მადრიდის „რეალიდან“ გასული ზაფხულის სატრანსფერო ფანჯრის დროს შეუერთდა. ამ პერიოდის განმავლობაში სერხიომ პსჟ-ს მაისური ყველა ტურნირზე ერთად 8-ჯერ მოირგო და 1 გოლი გაიტანა.
« უკან. (10 из 3182) წინ. »
რეიტინგი: 2
[* 0] [* 0]
გაზიარება:
კომენტარები
ცარიელია

'
მთავარი | ფორუმი | რეგისტრაცია

© wapforum.ge 2009 - 2022 [13]

top.wapforum.ge